Huduma
Njia nane tunazogeuza maarifa ya tabianchi kuwa vitendo.
Kazi yetu inahusisha safari nzima kutoka utafiti hadi utekelezaji. Kila eneo linajitegemea, lakini yote kwa pamoja yana nguvu zaidi. Haya ndiyo tunayoyafanya na tunaowahudumia.
Elimu ya Tabianchi
Programu na warsha kuhusu mabadiliko ya tabianchi, uendelevu na utunzaji wa mazingira. Tunaandaa kila kipindi kulingana na washiriki wake, na tunawaachia hatua za vitendo wanazoweza kuchukua shuleni, nyumbani na kazini.
Tunaowahudumia
- Shule, wanafunzi na wanachuo
- Walimu na waelimishaji
- Vikundi vya kijamii na taasisi
Uundaji wa Mifano ya Hali ya Hewa
Mifano ya kutabiri athari za tabianchi. Tunaunganisha vipimo halisi na matokeo ya mifano ili kukadiria kinachoweza kutokea, wapi na lini, ili watu wapange mapema badala ya kusubiri kukabiliana na matokeo.
Tunaowahudumia
- Maafisa mipango na mamlaka za serikali za mitaa
- Wakulima na programu za kilimo
- Watafiti
Huduma za Tabianchi
Zana na takwimu kwa maamuzi sahihi. Tunaziweka taarifa za tabianchi katika miundo inayotumika kwa urahisi, kama ramani, dashibodi na muhtasari kwa lugha rahisi, na tunaeleza maana ya takwimu hizo kwa eneo na uamuzi husika.
Tunaowahudumia
- Mashirika na biashara
- Taasisi za umma
- Jamii
Maabara ya Utafiti
Utafiti kuhusu mienendo ya hali ya hewa na athari za tabianchi. Tunajikita katika maswali yenye uzito kwa jamii zetu, kama jinsi mabadiliko ya mvua yanavyoathiri usalama wa chakula, na tunashiriki tunachogundua.
Tunaowahudumia
- Watafiti na vyuo vikuu
- Watunga sera
- Mashirika washirika
Ushirikishaji wa Jamii
Miradi ya kijamii na kampeni za uhamasishaji zinazofanywa pamoja na jamii, si kwa niaba yao. Tunasikiliza kwanza, tunaeleza hatari za tabianchi kwa lugha rahisi na tunaunga mkono hatua za vitendo zinazoendana na mahitaji ya eneo husika.
Tunaowahudumia
- Jamii za maeneo husika
- Shule
- Asasi za kijamii
Kitovu cha Ubunifu
Mahali pa kubuni na kupanua suluhisho zinazopunguza uzalishaji wa gesi joto. Tunasaidia mawazo yenye matumaini kutoka hatua ya majaribio hadi kutumika kwa upana, na tunawaunganisha wabunifu wake na takwimu, zana na washirika.
Tunaowahudumia
- Wabunifu na wajasiriamali vijana
- Kampuni changa
- Washirika wanaounga mkono suluhisho za kaboni kidogo
Ushauri wa Kitaalamu wa Tabianchi
Mwongozo wa kitaalamu wa kutekeleza uendelevu kwa vitendo. Tunasaidia mashirika kuelewa hatari na fursa zinazotokana na tabianchi, na kupanga hatua zinazotekelezeka, kuanzia tathmini ya awali hadi utekelezaji.
Tunaowahudumia
- Biashara
- Asasi za kiraia na programu za maendeleo
- Taasisi za umma
Utafiti na Machapisho
Ripoti, makala na muhtasari vinavyowashirikisha watunga maamuzi na umma matokeo ya kazi yetu. Tunaandika kwa lugha inayoeleweka, na machapisho yetu yanapatikana kwa kupakuliwa.
Tunaowahudumia
- Watunga maamuzi
- Watafiti na wanafunzi
- Umma kwa ujumla
Zaidi
Zaidi kuhusu kazi yetu
Ushauri wa kitaalamu
Unahitaji utaalamu wa tabianchi kwa taasisi au mradi wako?
Tueleze unachofanyia kazi. Tutakujibu kwa namna tunavyoweza kusaidia, iwe ni warsha, zana ya takwimu, msaada wa utafiti au ushauri kamili wa kitaalamu.